Main Tuti Hui Ek Naiya Hu Lyrics

Posted by & filed under , , , .


Song: Main Tuti Hui Ek Naiya Hu
Movie: Aadmi (1968)
Singer(s): Mohammad Rafi
Music By: Naushad
Lyricist(s): Shakeel Badayuni

Main tuti hui ek naiya hu, mujhe chaahe jidhar le jaao – (2)
Jee chaahe dubo do maujo mein, ya saahil par le jaao
Main tuti hui ek naiya hu, mujhe chaahe jidhar le jaao

Ek tum hi sahara ho mera, jivan ki andheri raato mein
Duniya ki khushi taqdir ka ghum, sab kuchh tumhare haatho mein
Abb chaahe idhar le jaao mujhe, ya chaahe udhar le jaao
Main tuti hui ek naiya hu, mujhe chaahe jidhar le jaao

Maayus najar majbur kadam, ujadaa hua aalam hai dil ka
Jina bhi yeh koi jina hai, muh dekh saku na manzil ka
Bite hue din mil jaaye jahaan, mujhe aisi dagar le jaao
Ho mujhe aisi dagar le jaao
Main tuti hui ek naiya hu, mujhe chaahe jidhar le jaao

Aansu na bahaao mere liye, ghum mujhko akele sehne do
Tute na tumhara najuk dil, yeh dard mujh hi tak rehne do
Abb chhod do mujhko raaho mein, ya dur nagar le jaao
Ya dur nagar le jaao
Main tuti hui ek naiya hu, mujhe chaahe jidhar le jaao